League House- Stories ലീഗ് ഹൗസിലെ വര്‍ത്തമാനം
മുസ്‌ലിം ലീഗ് സംസ്ഥാന സമിതി യോഗം പുട്ടിന് തേങ്ങയിടുന്നത് പോലെ കൂടുന്നുണ്ട്. വിഷയം ഇന്ത്യാവിഷനാണ്. ഭയങ്കരമായ ഒരു വിഷമാണ്
അതുണ്ടാക്കിയിരിക്കുന്നത്. ഏതായാലും മുസ്‌ലിം ലീഗ് യോഗത്തിലെ തീരുമാനങ്ങള്‍ സെക്രട്ടറിയേറ്റ് അംഗങ്ങള്‍ മാത്രമേ നേരിട്ട് കേട്ടിട്ടുള്ളൂ. അതു വെച്ച് ലീഗ് ഹൗസിന് നൂറ് കിലോമീറ്റര്‍ ദൂരെ നിന്ന് പോലും കാര്യങ്ങള്‍ എങ്ങനെയാകുമെന്ന് ഭാവനയുള്ളവര്‍ക്ക ഊഹിക്കാം.
അത്തരമൊരു ഊഹമാണ് ആദ്യം. ഊഹം എന്നത് വാര്‍ത്തയുടെ പുതിയ ഉറവിടമാണ്.
പത്രപ്രവര്‍ത്തക വിദ്യാര്‍ഥിനികളും, വിദ്യാര്‍ഥികളും വെറുതെയൊന്ന് ജാഗ്രതൈ.
സീന്‍ 1 പാര്‍ടി യോഗം
കുഞ്ഞാലിക്കുട്ടി: മൂനീര്‍ രാജിവെക്കണം
മുനീര്‍: ഇത് എന്റെ പിതാവ് വളര്‍ത്തിയ പ്രസ്ഥാനമാണ്. മുസ്‌ലിം ലീഗ് വിട്ട് ഒരു കളിക്കും ഞാനില്ല.
എന്നാല്‍ ഇന്ത്യാവിഷനില്‍ നിന്ന് രാജിവെക്കണം
അത് ഞാന്‍ വളര്‍ത്തിയ സ്ഥാപനമാണ്. എനിക്ക് രാജിവെക്കണം എന്ന് ആഗ്രഹമുണ്ട്.
പാര്‍ട്ടിയാണ് തീരുമാനം എടുക്കേണ്ടത്. പക്ഷേ, ചെയര്‍മാന്‍ സ്ഥാനത്ത് നിന്ന് രാജി വെക്കാന്‍ തത്കാലം സൗകര്യമില്ല.
അങ്ങനെ ചര്‍ച്ച അവസാനിച്ചു. പാര്‍ട്ടിയിലെ ചിലര്‍ക്ക് ഉണ്ടായിരുന്ന ആ തെറ്റിധാരണ മാറി.
ഏതാണ് ആ തെറ്റിധാരണ എന്നല്ലേ. മുനീര്‍ ലീഗ് സംസ്ഥാന സെക്രട്ടറി സ്ഥാനവും, ഇന്ത്യാവിഷന് ചെയര്‍മാന്‍ സ്ഥാനവും രാജിവെക്കും എന്ന തെറ്റിധാരണയാണ് ഇതോടെ നീങ്ങിയത്.
േേഠാ. േേഠോ േേഠോാാ
കേരള മുസ്‌ലിം കള്‍ച്ചറല്‍ സെന്റര്‍ എന്നു പറയുന്ന കെ എം സി സി ഇന്ത്യാവിഷന്റെ എഡിറ്റോറിയല്‍ സ്റ്റാഫിനെ പിരിച്ചു വിടണം എന്ന അഭിപ്രായത്തിലാണ്. പത്രപ്രവര്‍ത്തകരാണ് കുഴപ്പക്കാര്‍ എന്നതില്‍ കെ എം സി സിക്ക് യാതൊരു സംശയവും ഇല്ല.
അല്ലെങ്കിലും അക്ഷരം പഠിച്ചവര്‍ ഇങ്ങനെയാണ്. വിരിച്ചിടത്ത് കിടക്കില്ല. പട്ടിണി കിടന്നാലും അഹങ്കാരത്തിന് അവറ്റകള്‍ കുറവുണ്ടാകില്ല. കുഞ്ഞാലിക്കുട്ടി സാഹിബിന്റെ
പ്രസ്താവന ലൈവ് ടെലികാസ്റ്റ് ചെയ്യുന്നതിന് പകരം റഊഫിന്റെ പത്രസമ്മേളനം നല്കുന്ന ഇവരെ പിരിച്ചു വിടുകയല്ലാതെ എന്താണ് ചെയ്യുക?
പത്രപ്രവര്‍ത്തനം പഠിച്ച നല്ല ജനുസ്സില്‍ പെട്ട കുറെയെണ്ണം ചന്ദ്രിക പത്രത്തിലുണ്ട്. അവരെ
കണ്ട് പഠിക്കണം. അല്ലെങ്കില്‍ ചന്ദ്രികയില്‍ നിന്ന് നാലാളെ ഇന്ത്യാവിഷന് ട്രൈനിംങ് നല്കാന്‍ പറഞ്ഞു വിടണം. എന്നാലേ കാര്യങ്ങള്‍ ശരിയാകൂ. കെ എം സി സിയുടെ തന്നെ
വാര്‍ത്തകള്‍ നല്കിയാല്‍ ഇന്ത്യാവിഷന് നിലനില്ക്കാവുന്നതേയുള്ളൂ. പക്ഷേ,
ഇന്ത്യാവിഷന് കാര്യങ്ങള്‍ മനസ്സിലായിട്ടില്ല.
ഏറെ ആശങ്കയോടെയാണ് ഇത് എഴുതുന്നത്. കാരണം ഇന്ത്യാവിഷന് പൂട്ടാന്‍ ഇനി അധികനാള്‍ ഇല്ല എന്ന് മലപ്പുറത്തെ പല കാക്കമാരും വിശ്വസിക്കുന്നുണ്ട്. നഷ്ടത്തില്‍ ഇരിക്കുന്ന ചാനല്‍ പൂട്ടിയാല്‍ മുനീറിന്റെ മാത്രമല്ല, ഈ ബ്ലോഗിന്റെയും ആപിസ് പൂട്ടും.
പക്ഷേ, ഒരു സമാധാനം ഉണ്ട്. ഈ ബ്ലോഗിന് കെ എം സി സി ഫണ്ട് നല്കാത്തത് കൊണ്ട്
എഡിറ്റോറിയല്‍ തത്കാലം വൈകുന്നേരം വെറുതെയിരുന്ന് വാചകമടിക്കുന്നവരുടെ
സൗകര്യത്തിന് എഴുതാം. പക്ഷേ, ഇന്ത്യാവിഷന് പൂട്ടുമെന്ന് ഉറപ്പുള്ള ഒരു കൂട്ടര്‍ ഇന്ത്യാവിഷന് കാവലിരിക്കുന്ന പൊലിസുകാരാണ്. ഉച്ചക്ക് ഞണ്ണാന്‍ പോലും നല്കുന്നില്ല മുനീറിന്റെ ഇന്ത്യാവിഷന്. നക്കികള്‍.
@@@
മുനീറിന്റെ രാഷ്ട്രീയ ഭാവി എന്താകുമെന്ന ചോദ്യം ചില വിവരദോഷികള്‍ ഇടക്കിടെ
ഉയര്‍ത്തുന്നുണ്ട്. അത് മുനീറിനോ, കുഞ്ഞാലിക്കുട്ടിക്കോ, ഹൈദരലി ശിഹാബ് തങ്ങള്‍ക്കോ അിറയില്ല. പക്ഷേ ഒരു സാധ്യതയുള്ളത് മാധ്യമങ്ങള്‍ അത്തര്‍ പൂശിയവതരിക്കുന്ന
ജനപക്ഷ രാഷ്ട്രീയക്കാര്‍ക്ക#് കേരളത്തില്‍ മാര്‍ക്കറ്റ് വാല്യൂ വര്‍ധ#ിക്കുകയാണ്. വെറുതെ മസില് പിടിച്ച് നടന്നിരുന്ന വി എസ് പാര്‍ട്ട#ി സെക്രട്ടറിയെ മിറകടന്ന്
വളര്‍ന്നിരിക്കുന്നത് മുനീറിനും ഒരു പാഠമാണ്. പാര്‍ടി സെക്രട്ടറി നടന്ന് പാര്‍ടി വളര്‍ത്തട്ടെ. മുനീര്‍ മാധ്യമ പിന്തുണയോടെ ഭരണം തിരിക്കുന്ന ഒരു കാലം ഉണ്ടാകുമെന്ന് ആശിക്കുക. പാര്‍ടിയുടെ സംഘടനാ സംവിധാനത്തെക്കാള്‍ ശക്തമാണ് ഇന്ത്യാവിഷന് ചാനല്‍.
ഞാന്‍ മുനീറിന്റെ കൂടെയല്ല. പക്ഷേ, മുനീറിനെ നിരീക്ഷിക്കുകയാണ്
No comments:
Post a Comment